Юугаан хийх вэ

Харийн нутагт юугаан хийх вэ үр минь
Хүсэл нь байвч бэлчээр үгүй юм даа
Хүрэх алсаа гэж тунгаасан юм бол
Хүрэн зүрхэндээ хайр энэрэлийг түгээ дээ
Алагхан үр минь алсын нутагт юугаан хийх вэ
Айлсаж буух түмэн олон чинь буй гэж үү
Аадар болон орчлонг дэвтээх ухаан үгүй бол
Анд олон нөхдөө юунд орхином зэ
Хээрээс үнэртэх салхинд шингэсэн
Хэнзхэн цагаан цэцэг бил үү дээ үр минь
Хэлсэн үг чинь хэн нэгнээ дэмнэхгүй юм бол
Хэрэг болгон юундаа урсгах билээ дээ
Эх Дэлхийн үр нь билээ дээ хүү минь
Энэхэн заяаныхаа эзэн нь билээ дээ чи минь
Эв эе хамгаас эрхэм буюу зэ
Эрдэнэ болж хондод урганам буюу зэ

Мину зэ

Зөөлөн дулаан сэтгэлийн гал
Зүгээр нэг урсах гэж үү
Зөвлөн байх үгсээр дамнан
Зүрхэнд хүрэх нь юуных вэ
Ай хөөрхий уяхан Замбуу тив мину зэ
Хэлэх үг минь урсвал хө
Хээрийн салхи мэт дүүлнэм буюу
Хэнд ч зориулсан утгын ур
Хээгээр цогцлоон дэлгэрнэм зэ
Ай хөөрхий Асралт Тэнгэр мину зэ
Наадан суухад насан бага гэж үү дээ
Наран доор бүгд л ил буюу зэ
Наашлан суух билэгийн хүрдэн
Надад оршихуйн жамыг ухуулам буюу
Ай хөөрхий Анд олон мину зэ

Цаглашгүй

Бахархал минь билээ та нар минь
Бардам алхлах нутаг юугаан хамгаалан өмгөөлөн
Босоо оршиж, бодлоо цэгнэж
Буурлуудын булгилах хайрыг
Бяцхан бие минь мэдэрнэм шүү
Бусдаас харамлах биш хамтаар хариуцсан
Бид гэж бэлчээр юугаан тэлнэм зэ
Алдхан ухааныг минь тэлж
Арвинтай учгаар сурганам зэ 
Авах гээхийн ололтыг
Алдаар тэлнэм зэ та нар минь
Цогц болон ундарнам зэ хө
Цацраг юугаан түгээх эрдэм буюу за
Цаадахын цаадах, гүний гүнд, далдын далд
Амь юу минь оршном буюу
Цаглашгүй насалсан тавилан юугаан бөхөлнөм зэ хө

REN TUULI ok

Тавилан

Өөртэйгөө тэмцэлдсэн энэ хэдэн өдөр
Өрөвдөх дууг сонсохыг үл хүснэ
Өлчир бат хат суулгаж
Өндийн босох л зам үлдсэн

Туулах замаа бэрхээр харах уу
Давах ёстой даваагаа гэж мэдэрнэ үү
Эргээд харах ухааныг хөглөж
Энэ биеэр тааран эвлэх үү

Урагшлах замын мөрийг харж
Өвгөдийн ухааныг ажин сүлжиж
Гарах шат минь урд харагдана
Гарцаагүй л алхах  тавилан юм даа

Аадар буулаа

Аадар буулаа
Алтан нарыг дэмнэн байж аадар буулаа
Арвин  их хур аадар болон бууж
Асгарах их эрчим
Алаг дэлхийг бүрхэнэм зэ

Хөх Мөнх Тэнгэрээс нь
Хөрстөд буусан ниргэлтэнд
Хүн төрөлхтөнд өгүүлэх
Хүчит түүх эргэн ирэв

Аадар буулаа
Аянга цахилгаан гялбан байж
Айдас түгшүүрийг урсган байж
Аадар буулаа

Ай үрс минь тэнхээ юугаан бэлд
Алиа хошин билэг урганам зэ
Хүчит төрийн тулах багана шүү
Хүрэх алсын гялбаа гэрэл шүү

Тодолму

Давтагдах нь үгүй давалгаанд алхан байж одов уу
Дардан зам гэж үгүйг  дахин би ойлгов уу
Хүрч болох мөрөөдөлд гараа би тосов уу
Хүүний энэхэн тавиланг эргэн байж туулав уу

Эргэх дөрвөн улиралд ээлж ирсэн орчлонд
Энэ биеийн тэнхээг эрчмээр сүлэх урсгалд
Наран гийх цацраг бултаар гийгүүлэн байхуйд
Наашлан ирэх түрлэг хөлийг норгон сүлжмү

Эв санаа нэгдэн эхлэлд хүчин өргөхөд
Энх тунхийн тангараг цусаар урсан сүлэлдэнэ
Хэрхэх учир тодорч, хэтийн зорилго нягтарч
Хэвт журам, ёс жаягаар хүрээ юугаан тодолму

Анд минь би

Анд минь би уйлан байна
Алагхан зүрх минь гунигаар дүүрч цалгин байна
Хатуу бүхнийг мэдсэн болохоор тэр биз
Халуун нулимс минь хацар даган урсан байна
Дэргэд минь үгүйд үгүйлэн байж туниж байна
Дэндүү хатуу үнэнийг мэдээд үймэрч байна
Дэлхийн төлөө хийсэн бүхнийг нь мэдээд уяран байна
Дэргэд минь хамт байгааг мэдрээд өр минь өвдөж байна
Урсах нулимс гашуун байдгийг мэдэж байна
Урагшлах замын хатуу бэрхийг сануулан байна
Гэвч надад зогсох мөч байхгүй
Гэгээ татуулан урагшлах зам үлдсэн
Хөх Мөнх Тэнгэрийн зарлиг юугий нь даган
Хөрстөд амьдрах хугацаа бүрээ шавхан
Ариун удмынхаа өндөр нэрийг гарган
Амласан тангарагтаа үнэнч гэдгээ харуулна би
Анд минь би уйлан байна
Амьсгалах бүрийдээ өр минь өмрөн байна
Атаат дайсны сумыг би цайруулна
Алаг үрсийн заяа тавиланг зөөллөнө би
Өрдсөн гал нь өөдөөс нь сөрвөл яах бол тэд
Үйлийн үр хатууг мэдээд яах бол тэд
Үнэн гэдэг хатуу байдаг гэдгийг мэдээд яах бол тэд
Үргэлжлэл болон намайг байгааг мэдээд яах бол тэд

Үзүүлнэм зэ

Ав Эв Ов Андын Дэмээр
Ахуй төр минь бүтнэм бусуу
Алаг зүрхний Хэмээр
Аливааг ухсан бус уу

Хөх Тэнгэртээ залбирч
Хүрэх замаа олсон бус уу
Хөхрөн байгааг нь мэдэрч
Хүслээн шивнэсэн бус уу

Наран мэт гэрэлтэх
Насан туршийн хүсэл
Надад замыг заан
Түүх болон гэрэлтэв үү

Ээдрээ бүхнээ тайлах
Эргэлзээ бүхнээ гаргах
Энэ л орчлонгийн үнэнд
Эвлэн нэгдэх ухаанд

Ивээл хайраа түхүүр болгон
Их Эр Дэмийг эгнэгт тулж
Идэр насыг хүчин болгон
Ирэх цагийг товлон хүүрнэж

Зүүдээ мөрөөдөл болгохуй дор
Зөнч мэргэн үгсээр илбэхүй дор
Зөв зүгээ олон бүхүйд
Зөнгөөрөө өөрөө бадрах гал

Хацар гоо түүхийн жимээр
Халуун зүрхээ надад  үзүүлэм зэ
Хаан эрдэнийн учиг дор
Хамгийн зангилаа дэлгэрнэм зэ

Өөр

Бид өөр өөр боловч
Билэг ухаан адил бус ч
Бодол санаа хүсэл тэмүүллээрээ
Бүрдэл болон цогцоор эвлэх цагт
Амин хүрээ нэгдэл үүсгэн
Алаг зүрхээрээ сүлжээ үүсгэн
Анд нөхдийн дэм болон
Алтан Дэлхийн эм болно
Хайр энэрэл түгэх болно
Хатууг давахад гарц болно
Халшрах сэтгэл эрчмээр нөхөгдөнө
Хаана хүрэхээ мэддэг болно
Туулах зам тодорхой болно
Тулах цэг нь ил болно
Энэ бие нь гэрэлтэх болно
Эх бүхнийг энэрэх болно

Хайр

Хайр хаанаас ундарна вэ
Хажуугаас минь уу
Хаа тэртээгээс үү
Хайр хаанаас эхэлнэ вэ

Атгахан зүрхний эрчмээс
Анхлан тоссон газраас
Алтан нарны илчээс
Алаг Дэлхийн хэмээс

Долгион юу нь тааран
Доргилт юу нь жигдрэн
Хүлээс юуг мэдрүүлэн
Хүсэл юуг бадруулан

Бидний бадрал хайр буюу
Билэг ухааны эхэн буюу
Олсон олзны Дээд буюу
Огторгуйд дүүлэх жигүүр буюу

Ард мину

Ард мину
Алтан төрийн минь сүлд сүнс буюу зэ
Алдар байвч Ард үгүйд хоосон бусуу зэ
Аргамаг хүлгийн нурууг үл амраах буюу би
Ашдын заяаг нь бүтэн байлгах ёстой буюу

Хүлээх тавилан энэ буюу
Хүрэх хязгаараас дүүлэн нисэх буюу
Хүсэл намайг угтнам буюу тэнд
Хөх Тэнгэрийн минь зарлиг буюу зэ

Арван зүгээ аялгуулнам зэ
Арван зургааг жигшин хааюу за
Ав Эв Овоор сүлэлднэм буюу зэ
Айдасыг үргээн галыг бадрааюу зэ

Бидэн байж хүрээ үүсгэюү зэ
Билэг ухаанаар давалгаална буюу зэ
Долоон бие гадагш  довтолном зэ
Долгилох хүч нь хадыг буталнам за

Алтан Дэлхийдээ сөгдөн мөргөюү зэ
Анх үүссэн үүсгэл юугий нь тахьюу за
Аргамж юугий нь бөхлөн чангалюу зэ
Ард мину амгалан дэлгэрюү зэ

Алтан гадас

Алдар Суугийн Эзэн
Алтан гадас мину
Ахуйт Төрийн сүнсэн болжу
Аймшиггүй зоригт Туганд дэрвэжү
Ах эс Их эсээс уламжилажу ирсэн
Ард Түмэн ү заяа болжу
Хөх Тэнгэрээс бидэндээ заяагсан
Хүчит Эрчим эн сүлд эн мину

Хүрэх нь үгүй хаяаг
Зорих нь үгүй хүрээг
Эвлүүлэх ухаанаар эвхэн байж
Эрчим юугаараа сөхрүүлэн байж
Цаанаасаа заяат
Цагаан замт
Цалгишгүй хүчит
Цаашдыг заагч

Хамаг бүхнийг хайраар дэмнэжү
Хатан зоригоор сүрэн бадарчу
Эх Дэлхийн эрчмийг дэмнэжү
Эгэл үгүй зоригоор бадраажу
Амин заяаг алдуурахаар үгүй оосорложу
Ашдын заяаг сүлжин буувай
Алдар Суугаа мандуулан гэрэлтмой

Тунхаг

Хараацай шувуугаар дагуулан
Харцага шонхороор залуулан
Хөх Тэнгэрээр дүүлэнхэн
Хөвчин Ханхайг тууланхан

Алаг дэлхийг тойронхон
Алтайн уулсыг даванхан
Алтан Нараар дэмнүүлэн
Алиман Сараар дамнуулан

Үүх түүхээ хуучланхан
Үлгэр домгоо яринхан
Үрс балчираа эргэнхэн
Үүрэх жамыг даганхан

Хан Тэнгэрийн босоо зарлага
Хатууг дэмнэх өндөр өвөг
Элгэн түмний энхийг үүрч
Эв нэгдлийг тунхаглах буй за

Урагшилна

Чимх чимхээр цуглуулан цуглуулан
Чийг бүрийг шингээн шингээн
Амь юуг багтаан багтаан
Алаг Дэлхийн сүр оршвой

Булаг шанд нь урсан урсан
Булцгар жимс нь урган урган
Мөнгөн саран гийгүүлэн байж
Мандах наран ивээн ивээн

Хүүн төрсөн түүхийн жимээр
Хөрстөд ургасан нарийн жимээр
Мэдлэг бүрэн цогцлох үеэр
Мөнх Тэнгэрээс хүчин буувай

Жамаар урсах голын чимээнд
Жаргах зовох сүлэх урсгалд
Ололт олзоор түгэх ухаан
Огторгуйн замаар сүлжин эргэнэ

Эрхээ авсан Эзэн бие
Эрхэт Төрийн сүлдийг дуудмой
Эвийн хүчээр эвлэн таарч
Ээлжлэн хөврөх Түүхийн бичээс

Одоо  бид ирээдүйг зөгнөнө
Одот орчлонгийн үнэнийг танина
Орчих хязгаараар дүүлэн ниснэ
Ололт бүхнээр чимэн урагшилна

ЭН цогцлоох

Өвгөдийн ертөнцөд өсөн бойжиж
Ололт олз бүхнийг тархинд хураахуй дор
КҮЭН хүслээр ур дүй урлахуй дор
МОН ОГОУУЛ  ИЭ ЭКЭ Суу Улс буйд
Ний Хэмт оршихуйг цогцлоон бүхүйд
Нэгэн амин болж ГОЛЛОХ буй за
ИЭ ЭКЭ бүрэн ялалт дор
Эгэл оршихуйд Ний цогцлоож
Төгөлдөр  оршихуйн хуулин дор
Төрийн бөхөөр тусгаар тогтносу
Амин Эхэт Хамтын хариуцлага дор
Алдаа оноог дэнслэх бүхүйд
Аюулт ГАй Гэм ЗЭМ ийг
Агшин төдийд арилгах Зүйд
Эр Ир КҮЭН ээр хамгаалж
ИЭ ЭКЭ Жай Аайий СУУ ИЭ КҮ иэр бадамлах дор
Ир Иэ ДҮй Эн цогцлоох Алтан Үнэн
 

Мэдэрнэм

Mиний нүдээр орчлонг тольдвол
Мишээх нарны амийг мэдэрнэм
Мөнхрөх оюуны сүрийг мэдэрнэ
Мэлмий тунгалаг сэтгэлийг мэдэрнэм

Миний чихээр орчлонг сонордвол
Мөнгөн саран бүүвэйлэхийг сонсоно
Мөрөн гол дуулахыг сонордоно
Мөр болгон шивнэхийг сонордоно

Миний гараар орчлонг мэдэрвэл
Хуйлран эргэх эрчмийг мэдэрнэ
Хатууг зөөллөх учгыг ухаарна
Хайраар тарих жимсийг түүнэ

Миний  хөлөөр орчлонд гишгэвэл
Зүрхэнд хайр ирэхийг мэдэрнэм
Зөнгөөр ухаан тэлэхийг мэдэрнэм
Зөөлөн дуслах совинг мэдэрнэм

Миний мэдрэмжээр хорвоог үнэртвэл
Долгилох урсах цэцэгсийг мэдэрнэм
Догшин салхины чигийг мэдэрнэм
Доргин ирэх өөрчлөлтийг мэдэрнэм

Тэр

Цэцгийн дэлбээнд хурын ус тогтоход
Цээлэнд шумбах загас адил зүсэрнэ үү
Цэх шулуун сэтгэл зовлонд үл бөхийнө
Цээж дүүрэн амьсгалж гунигаа тэр хөөнө

Хатгалдах дайсан хажууд байгаа юмсан
Харин түүнийг үл тооно тэр
Атаат дайсны зүрхийг үхүүлж тэр
Аргамаг хүлэгийн зоог үл амраана тэр

Анд нөхдийн амьсгал нэгээр хорогдох мөчид
Аюулхай зүрхэнд нь гуниг нэгээр нэмэгдэнэ
Аав өжий ахан дүүсийнх нь
Асгарах нулимсыг харахад хэцүүг мэднэ тэр

Тэгэвч бидэнд ухрах зам үгүй
Тэрслүүт дайсанд дутаах зам үгүй
Тэнгэрийн бошиг бидэнд ирсэн хойно
Тэнхээ юугаан шавхах үлдсэн бидэнд

Хаантан танд хэзээд үнэнч билээ
Халуун цусаа хэзээд өгөх болно
Элгэн түмэн минь амгалан байвал
Энэ бие минь юуны хамаа байх билээ

Охин үрдээ

Онцгой нэгэн өдөр охин үр минь мэндлэв
Орчлонд би баяраар бялхан байсан
Оломлох ертөнцийн учигаар тэр минь
Ололт юуг мэдрүүлэн гэрэлтэв

Хайр татах өхөөрдөм түүндээ
Хамгаа зориулан өсгөв би
Хатан ухааныг өвлөх тэр минь
Хайлган сэтгэлээр ээждээ ирсэн

Өхөөрдөм бяцхан түүнийгээ харахаар
Өр зүрх минь баяраар бялхнам
Өндөр Дээдсүүдийн минь хайртай тэр минь
Өргөө гэрийн минь гэрэл гэгээ

Ээжий нь үрдээ бүхнээ зориулна
Энхрий үрсийнхээ хойчийн төлөө
Эх Дэлхийн амгалангийн төлөө
Энэ биеээ зориулах болно

Эвий минь ээжийгээ завгүй гэж
Элдвээр бүү туниарай
Үргэлжлэл болсон үрсийнхээ төлөө
Өөрийгөө ч үл бодном шүү

Хүчээн өргөмү

Алагхан Дэлхийдээ хүмүүн болж төрөөд
Аав ээжийнхээ өвөрт эрхлээд
Алтан нарнаас эрчимээ аваад
Аялгуут дуунаас хөгөө нэмээд

Хөхрөх үүлсийг тольдон хараад
Хүслээ шивнэн бодлоо илгээн
Хүрч чадах оргилдоо мацан
Хөөрхөн үрсийн эцэг эх болоод

Амьдрал гэдгийг үүгээр жишинэ үү
Авьяас билэгийг үүгээр л цэнэнэ үү
Хүслээн бас үүгээр сэтгэнэ үү
Хөрстийн амьдралыг үүгээр л өнгөөнө үү

Мэндэлсэн бол үүрэг бий
Мэдсэн бол зүтгэл бий
Мөнх Хөх Тэнгэрийн үрсэд
Мөрөөдөл биш зоригдол бий

Алтан Дэлхийд ирсэн зорилгоо
Аж жаргалаар сэтгэн бодно уу
Андгай тангарагны өмнө бөхийхөө
Анд минь чи мэднэ үү өнөө

Хатуу андгай тангарагтны үрс
Хатан зоригоор бүхнийг дийлнэ
Халшралгүй зүтгэл тэдэнд бий
Харин та тэдний нэг

Эх Дэлхийд ирсэн учиг
Эргэх жамыг тайлах учиг
Эв эеийг сахих учиг
Энэ биеээр чинь сүлэн байна

Өндөр Дээдсийн үргэлжлэл болж
Өлгий юугаан хамгаалан тэмцэж
Өргөн олны хүсэл сэтгэлийг
Өнө мөнхөд дэмнэн байхуйд

Эрэлхэг зоригт Дээдсүүдийн үрс
Энэ биеээрээ үлгэр болж
Эхлэл болон Орчлонг сэрээх
Эв нэгдэлд Хүчээн өргөмү