Уул усаа шүтэн
Ургамал модоо дээдлэн
Урсгал усаа чагнан
Ухаан юугаан цэгцлэн
Хайрханы эздийг дуудан
Хажууд ирэхэд нь мэдрэн
Алтайн сүрийг магтан
Алсрах үүлсийг нь хуйлруулан
Бороо хураар тэтгэн
Буурал дуудлагаа айлсуулав даа
Буцан ирэх үрдээ
Бууж мордох ихэсүүд нь
Ургах нарнаар угтуулан
Уг гарвалаа батжуулав зэ
Уулсын зүрхээр оломлогдон
Ул юугаар нь сүлжигдэн
Өр зүрхтэй нь холбогдон
Өмрөн өмрөн урсваа
Өлмий батжин оршвой
