Үрс минь

Үрс минь наддаа үнэт Эрдэнэ
Өвлүүлэх Тангарагны сүв нь билээ
Өр зүрхний минь уяа билээ
Өөрөөсөө ч илүү хайрлах билээ
Аавын ясыг өвлөсөн билээ 
Агтанд мордох золбоотон билээ
Алсад гарах эрэлчин билээ
Айсуй Түүхийг бичилцэх билээ
Ишнээс Дэлбээлсэн цэцэг билээ
Эгэлгүй нандин Оюунтан билээ
Энэ биеээрээ эвлэхүйг цогцлоох
Эрхэмсэг оршихуйн түрлэг билээ
Үндэснээс ургах жимс билээ
Үргэлжлэл хойчийн баталгаа билээ
Үлдээх Мөрийн минь нотолгоо билээ
Үлгэр туулийн үргэлжлэл билээ
ХААНт Төрийн Түшиг билээ
ХАТАН ухаанаар Тулах билээ
Хатан зоригтны үрс билээ
Хатууг давах Зоригтнууд билээ
Алтан Дээдийг өвлөх билээ
Алсдаа бусдад түгээх билээ
Айлыг цогцлоож Ахуйг бүтээх
Аргамж ухааны үргэлжлэлүүд билээ
Надаас тасарсан цус билээ
Нарнаас ургасан үр билээ
Сарнаас тосох билэг билээ
Саруул Орчлонгийн түүх билээ
Өвгөдийн ухааныг өвлөсөн билээ
Өнийг ирээдүйг цогцлоох билээ
Өндөр ТЭНГЭРийн бошгийг түгээн
Өвлүүлэх Аялгууг хөглөх билээ

Сэтгэлийн хөг

Өдрөөс өдөрт Нарнаас наранд
Өсөн буй зүрх сэтгэл
Өвлөж авсан хүсэл тэмүүлэл
Өнө мөнхийн мөрөөдөл билээ
Хайр энэрэл халуун сэтгэл
Ханьсах жамын ханийг сонгоход
Эргэлдэн хуйлрах эрчим бүхэнд
Энэ бие зохицолыг олно
Гэвч түүнд саад бас байх
Гэгээлэг бүхэнд сорилт бас байх
Ахас Ихэсийн ариун Гэр Иэ нд
Алсын зам мөр болмуй
Хөврөх сэтгэлээ түр барин
Хүчит давалгааг эвлэх ухаан
Энэ биенд шингэх эсэх
Ээдрээ болон намайг чангаана
Алдсан итгэл алсад л байна
Аажуу ч гэсэн хүлээх сэтгэл
Андгай тангарагийг бөхлөх хүсэл
Аажим аажмаар намайг түрнэ
Эргэх жамыг би сөрсөнгүй
Энэрэхүйн хайраар би дутаасангүй
Энэхэн ухаанаа эвлүүлэх нь дутав уу
Эвлэхүйн сүлжээг би дутаав уу
Алин болохыг тунгаах л юм
Андуу зүдүүг үл хүснэм
Эвлэх ухаанаа сүлэн сууна би
Эргэн тулвал яахаа бодном
Хайр гэдэг агуу билээ
Хань гэдэг мөнхийн билээ
Энэ орчлонгийн эргэх жамаар
Эргээд л учрах хос заяа
Төгс бүтээсэн өвгөдийн ухаан
Төгөлдөр оюунт өвгөдийн үрс
Эрхэм бүхнээ үрдээ заяасан
Эгэлгүй даруу миний шүтээд
Алагхан зүрхэнд минь багтах тэд минь
Аав минь өөж нар минь билээ тэд
Бидний сэтгэл нэг билээ
Билэг оюун нь Суу билээ
Хан Тэнгэрийн түшиг минь билээ
Хатууг давахад тулах  билээ тэд
Амьдрал намайг сорином буюу
Аль болгоныг үзүүлнэм буюу
Тэнхээ юугий минь сорином буюу
Тэгш явахыг минь харнам буюу
Давааны цаана даваа буюу
Давах ёстой удам буюу
Дэлхийн төлөө төрсөн буюу
Тэнхээ бүхнээ зориулах буюу
Энх тунхыг хүсэх буюу
ЭрДэм бүхнээ зориулах буюу
Арга билэг авьяас ухаан
Аль бүхнээ баринам буюу
Алдхан биений бүхий л учигаар
Андгай Тангараа бөхлөх буюу

Өвлөхүйн цэвэр

Тэнгэрийн бошигт зохицон байж
Тэсэж магад гарах Арга ухаан Зөн билэг
Мэлмийд харагдан Мэдрэмжийг цогцлоон
Оршихуйд түгэн Тархинд цуглан
Тайлал болон Эр Дэмийг Хур болгон
Эвлэхүйг зангилаа болгон
Эвийг СУУ болгон
Тогтоосон үйлээ Тов болгон
Торгон Мэдрэмжийг Эв болгон
Үндэснээс хөөн, Үрээ тарьж
Өвлүүлэн үлдээж, Өргөнөөр сүлжиж
Ид шидээр нь Арга билэгээр нь
Хаан Ухаанаар нь Хатан Оюунаар нь
Өнгөрсөнөөс одоо Ирээдүйд цогцлоох
Өвлөхүйн Ерэн цэвэр буюу

Бошиг

Мөнх Хөх Тэнгэрийн
Мөрлөх хүчит Эр Чим
Миний алагхан Дэлхийд
Хууль болон буухуйд
Амьтай биетэй болгоныг
Алагчлалгүй үзэх Наран Ээж
Амар түвшин сайхныг
Амлалт болгон илгээхүйд
Хөх толбот Төө тэн нар
Хөглөх утгыг танин тайлж
Оршихуйн жамд зохицон байж
Оломлох юуг бүтээн байж
Олон үрсээ бэлдэн байж
Ололт юуг цогцлоон байж
Бидний бадрал ирэх буюу
Билэг ухаан түгэх буюу
БӨӨ гэгээн бүхүй дор
Бултаар таарах учигт зангилаа
Эргэх Дэлхий энэ л хэвээрээ
Ээлжлэх улирал нь нэг л янзаараа
Тогтохуйн сүлжээ нь нэг л жамаар
Тоолол болон түгэн байхуйд
Алтан сүлжээг эрчимнэн байх
Айл бүлээ залан байх
Түвшин Төрийг төгс бүтээх
Түмэн олон минь амгалан байг ээ

Бөө гэгээн тархитан

Ил далд бүхнийг эвцэлдүүлэн Бадраагч
Ирээдүй өнгөрсөн одоог эвлүүлэн Бүтээгч
Ирт Сурлагаар  ЭН Боловсрогч
Ижил Андууддаа Итгэл Даагч
Туулах замын тов Тодорхой
Түших андууд нь эв Илхэн
Төрт ёсны тулах Түшиг
Түмэн олныг төвшитгөн Засагч
Оршихуйн Үнэнд бүрэн Таарагч
Оул бие нь эрчимийг Ологч
Бодол санаа нь Орчлонг Багтаагч
Болох болохгүйг адилхан Хайрлагч
Өгөө авааг өвлөн Тэнцүүлэгч
Өр зүрх нь галаар Бадамлагч
Өвгөдийн ухааныг өвлөн Залгамжлагч
Үлгэр туулинд мөнхрөх Гавьяатан
Эргэх жамыг угтан Тосогч
Ээж аавын ачийг Хариулагч
Эв санаа нэгдлийн хүчээр
Эхэлж буй цагийг Тунхаглагч
Хүсэл зорилгоор нягтран Нийлэгч
Хүүний аийийд Хэмийг Тогтоогч
Хүй Дэлхийн элбэрэлт Үр
Хөх ертөнцийн авран Хамгаалагч

Хэрхэн

Би хаанаас эхэлж
Би хаана хүрэх вэ
Билэг оюун хаана эхтэй
Бодол санаа юунд вэ
Эхлэл хаанаас түгэж
Төгсгөл хаа хүрэх вэ
Зөв бурууг хэрхэн ялгаж
Зүүд сэрүүнээ хэрхэн таних вэ
Оршихуйн жамыг яаж ухах вэ
Ойлгох ухаан хэрхэн түгэх вэ 
Эв нэгдэлийг юу гэж бодно
Энэрэл хайр хаанаас түгнэ вэ
Буурал хорвоог хэрхэн таних вэ
Бусдын дэмийг хэрхэн тогтоох вэ
Андын журмыг хэрхэн олох вэ
Айдасаас салахаа хэрхэн ухах вэ
Айл болж хэрхэн зүтгэх вэ
Алтан төрийг хэрхэн тогтоох вэ
Наран мэт  хэрхэн ээх вэ
Аадар мэт хэрхэн мохоох вэ
Мөс чанарыг хэрхэн олох вэ
Мөрөөдөл биш гэдгийг хэрхэн итгүүлэх вэ

Ундарга

Бидэнд юу дутагдаад байна вэ
Билэг оюун төгөлдөр бүтээгдсэн бус уу
Алдхан биеийг амар байлган
Авах гээхийн утгыг ч танилгүй
Хүсэл зоригоо таньж дийлэлгүй
Холын зорилгоо ухаж чадамгүй
Хөөрхий бидний ухаан гээч
Хөвөн явах үүлс мэтээ.
Хаа хүрэхээ ч мэдэхгүй байна уу
Хатууг жаргалд бодоод байна уу
Энх тунх оршихуйн жамыг
Элэг зүрхэндээ мэдэрмээр байна уу
Өтүгэ үеийн өвгөдүүд минь
Өөдөс үрсийн Ухаан юуг
Өнө мөнхийн Үргэлжлэл юуг
Өвлүүлэн өгөх Эр ДЭМ юуг
Танин мэдэхүйн Ололт юуг
Таавар болсон Учиг юуг
Ололт бүрийн Нууц юуг
Оройлон манлайлах Хүсэл юуг
Эвлэхүйн хүрдэнд шившин байж
Энх тунх бэлэглэв дээ
Хаанаас олохоо үрсүүд мэдэх үү
Халширч суулгүй Хайгаад үз
Алдхан биенээсээ Ухаад үз
Авах Оюуны түүчээг нээ
Хайвал Хажууд чинь байна
Эрвэл Дэргэд чинь байна
Энд тэндээс эвлүүлэн
Эх Үндэсээ бүтэн болго
Үндэстэй байж Ургах бус уу
Үртэй байж Үргэлжлэх бус уу
Оролдоод үз Сэтгээд үз
Уудлаад үз Ухаад үз
Хаа хүрэхээ мэдээд
Халшралгүй бүгдийг Тунгаахтун
Энэ бол эхлэл мэт
Эгэлгүй түүхийн үргэлжлэл мэт
Хайр энэрэл бодол хүсэл
Хамтдаа байгааг Мэдрэх болно
Өвгөдийн шид үүнээс Эхтэйг
Үл мартаж Үлгэрийг түгээ

Ээхүй

Бодлын хүчээр бултаараа дэмнэвэл
Буурал Дэлхийд эрчимээ түгээх
Балчир үрсийн Гэгээн сэтгэлд
Бидний зүтгэл хүч болмуй.
Хайр энэрэл харанхуйг гийгүүлж
Хатан Ухаан Суу заль дор
Харвах мууг эргүүлэн цайруулж
Халдах дайсны хүчийг сөрнө
Эв нэгдэл Эрхэм Анд
Энэ бүхний гогцоо болно
Эвлэхүйн билэгээр нэгийг цогцлоож
Эрчимнэх урсгал галаар наадмуй
Тэнгэрт мэндлэх арга ухаан
Тэнхээ тамирт хүчин болж
Хүршгүй мэт санагдах тэртээд
Хормын төдийд аялах мэтээ
Тансаг аялгуу талаар түгж
Таатай үнэрийн мэдрэмж сэргэхүйд
Ээх Нарны эрчим бүр
Энэ биеээр шурган байхуй
Хөвсөлзөх үүлсийн чөлөө бүрээр
Хөөрөн баясах дүр тодорч
Цоморлигт дэлбээлсэн утга бүхэн
Тоолол болж хүрдээр эргэмүй   
  

Бүүвэй

Эвлэг зөөлөн үр минь бүүвэй
Энх тунхыг бэлгэдэн бүүвэй
Өөжий аавын үргэлжлэл болж
Өргөн Дэлхийн заяа болж
Түмэн бээрийн цаанаас ирж
Төгөлдөр ухаанаа эндээ гаргаж
Торгон мэдрэмж тооцоо бүрээр
Тух юугаан олон мэндэлж
Хэрхэн хийх үйлээ тунгаах
Хэлэлцэх олон Андаа дагуулан
Эргэх хорвоогийн хуулийг тулан
Энх тунх мэндлэв дээ
Эрчлэн сүлжигдсэн бүхнээ
Энэ биендээ илгээн байж
Эв болон энхийг тунхаглан
Элдэв бүхний гогцоо болон
Эгэлхэн биеэрээ тайлал болон
Үүц задалж үүд нээх
Үнэн гэдгээр тулан цахлах
Өөдсийн чинээ үр бүүвэй
Өрлөг өжийн үргэлжлэл бүүвэй

Хан Тэнгэрийн дуу

Огтоос хар гэж байдаггүй юм
Олонгүй Хаан гэж үгүй юм
Гэгээ бүхнийг шингээх юм
Гаригаар замаа засах юм.
Туулах замын тод нь хө
Зөв зүтгэлийн үр үү дээ
Хэлхэх үгсийн гол нь хө
Хэнд ч ухаарлыг өгьюү дээ
Балчир ухаан тэлэх үед
Бодол санаа уухайлах үед
Алдар нэрийн цуурайтах үед
Авхаалж самбааг гаргах үед
Бие биенээ түших Андууд
Бодолд сүлжээ үүсгэх биз
Дэвжин хөөрөх эрчим бүрээр
Дэлхийн чинээ эргэх буй за
Эвлэл эвлэн үнэнд таарч
Эрчлээт нум мэт үгийг тавьж
Олон учигаар онцгой бүхнээр
Оломлох үрсийн тэнхээг залмуй

Баруун зүгт мордохын өмнө

Урьдчилж харж өнгөрснөө санах нь
Ухаант үрсүүдийн үйл буй за
Үйлдэх үйлийг өвгөдүүд шийдэх ч
Үрсийн үйл тусдаа буй
Харсан үзсэн болгон нь учиртайг
Харин ч нэг мэдэх буй за
Хатан заяаны дэнс эргэхэд
Хатуужин явахын учир буй
Энэ заяанд төрсөн учиг
Эгэл түүхэнд бас буй
Эрчлэн хөврөх тавилан юунд
Ээлж ирэх учрал буй
Айлдан буй үгсүүд
Айлдан буй үйлүүд
Аль аль нь хэдийн тавигдаж
Ардаас урагш ирэх буюу
Хийсэн үйлээ эргээд нэг хар
Хэлэлцсэн үгсээ эргээд нэг сана
Арвантаа өгсөн өчлийн цаана
Алтан сургааль буйг сана
Төрсөн нутгийн зүрхэн гол
Төөрөг эхэлсэн сувдан хэлхээ
Нуур цөөрөм нь нууцын эхлэл
Нутаг уулс нь үүц нээнэ.
Гэрэлтэн бадамлах хос зул
Гэгээ татуулсан Эрдэнэст хайрхан
Өөлөх зүйлгүй өргөн хөндий
Өлчир балчир зүрхний гол
Алаг Дэлхийн амин сүнс
Ар зоо нь Орчлонгийн хүрд
Орчих хязгаараар тэмтрэн байх
Олом бүсний алтан сүлжээ
Эхлэл буй бол төгсгөл буй за
Эгэл бус Эрхэмсэг буй за
Эргэлдэн байх эрчимнэн байх
Энэ биений эхлэл цэг
Тооно юуны төгс утга
Тоолол юуны эгэл утга
Билэг юуны ухаан юуны
Бодол юуны сэтгэл юуны
Арга үгүй үйлээр холбогдоно
Амьдрал юуг эрчмээр хангана
Хэрхэн үйлдэхээ үрс мэдэж
Хэлхэх үгийн утгыг гаргаж
Алд биендээ шингээн байж
Эхлэл юуг тунгаан байж
Алагхан зүрхний цохилтын мэдэрч
Аажим хэмнэл нэмэгдэхийг мэдэрч
Зөөлөн сэтгэлийн эрчмээр дэм
Зөв бурууг аялгуулна буй за

Хөх Монгол Иргүн

Зуун зуунаар мянган мянганаар
Зүүд нойронд зүрх сэтгэлд
Толботны нууц, тойгтоны зөрөг
Өргөлийн үйлд, өтгөсийн зүтгэл
Билэг оюун, бүрэн ухаан
Бодолд цэгцрэх надад итгэл
Алаг зүрхний тэмцэл ялалт
Арвинтай учигны гогцоост уулзвар
Хүй Ертөнцийн Хүслийн зүйтэн

Бүтээхүй

Үндэстэй мод ургахад
Үр жимс нь боловсроход
Үлдээх мөр дэнсэнд заларч
Үлгэр туулинд мөнхрөх буюу
Хаан түүхийн жимээр орших
Хатуу цагийн учгыг тайлах
Эвлэхүйн сүлжээнд цоморлиг болж
Элчит нарны сүлжээгээр хүрээлнэ
Эргэх жам ээлжлэн байхуйд
Энд тэндээс намайг хайхуйд
Тодоос тод зүүдний гарал
Том жижиг хүрээг үүсгэнэ
Зураг төөрөг наашлах тутам
Зөрөг замууд хумигдах үед
Тоолох хүрдэн нэгээр нэмэгдэж
Торгон мэдрэмж зүгээ олно.
Эхийн хайраар зүрх бялхан
Эцгийн хайраар сэтгэл цадахад
Энэхэн хорвоогийн мэдрэмжийг цуглуулж
Эвлүүлэн байж Ертөнц бүтмой

Говь Алтайд

Өдөр шөнө ээлжлэвч
Өнө мөнхөд үргэлжлэвч
Өөдөс үрсийн өрөвч сэтгэлээр
Өгүүлэх түүхийн утгыг тайльму
Зөөлөн дулаан сэтгэлийн учралд
Зөв бурууг төөлөх учигт
Гарал угсаа учрал юунд
Гарган байх сүлжээ юунд
Дээрээс доороос дэргэдээс хажуугаас
Эргэх эрчмийн сүлжээ орших
Эв дүй ур ухаан
Мэдрэмж бодол сонор юунд
Мөнхөд шивших зөөлөн дулаан
Алтай хангайд ирсэн учиг
Алд биеийн эхлэл учиг
Ээж аав ихэс ахсаас
Эвлүүлэн ирсэн үйл буй
Төрөл садан анд нөхөд
Төө биеийн эрчим бүхэнд
Алд алдаар эрчимнэн байх
Аргамж сүлжээ ураг төрөл
Дорнын талаас дурсамж ирж
Дотроос гадагш урсан байх
Дуулах дуунд учиг нэмж
Тойролт юуг надаас нэхнэ
Өтгөсийн зүтгэл өнөөдрийн эхлэл
Өр зүрхэнд дэлбээлэх цэцэг
Өөрөөсөө эрэх төгс сүлжээ
Өргөн хангайн өнийн нэхэл

Өрлөг өжий

Өөдсийн чинээ үр минь
Өрлөг эхийн үргэлжлэл минь
Өр зүрх минь эмрэн байгааг
Уйлах нулимсаар мэдэрнэ үү
Хаант төрийн түшиг
Халуун цусны хат
Хайлган сэтгэлийн гол
Харах нүдний цөцгий
Эргэх дөрвөн улиралд
Ээлж ирэх орчлонд
Энэ биеийн эрчим
Эргэх түүхийн эхлэл
Хөөр баяраар бялхаму
Хүрэн зүрхээ уярааму
Нулимс бүхэн чинь үнэтэй
Надтай урссан гол
Ээжийн хайрыг мэдэрсэн үү
Аавын хайрыг ухаарав уу
Алд биеэр чинь урсах
Андгай тангарагийг бөхөлмү

Алтай Таван Богдын тахилгын үер

Цайран харагдах уулсынх нь
Түмэн бодис нь дэлгэрч
Цаглашгүй мөнхөд үргэлжлэх
Амин заяаны дэнсэнд
Уйлах зүрхний гүнд торойх
Уулсын алтан сүлдэн мину
Тал тал руу цацарсан наран
Таван зүйлээр туяаран байх шиг
Танхил хонгор үрсийн минь
Төөрөг юу дууднам зэ
Бадран нээх цоморлиг мэт
Бахдам өнгөөр туяаран байна
Баатарлаг Ардын үрсийн заяа
Буцан ирэх хувь мэтээ

Дэлхийгээр тархсан монголчууд #01

Тэнгэр Газрын Долоод

Өнө мөнхөд сэтгэл дотор бадамлах зул адил
Өвлөж авсан оюун ухаан зүрхэнд хурна
Өр зөөлөн учир зангилаа тэртээд гэрэлтэж
Өгүүлэх дуун алсаас чамайг тольдоно
Эвлэг үгс ээлэг зан энд бас тодорно
Эргэж хургах хорвоогийн жамд
Энэ биес даган хуйларна
Тольтод гэрэлтэх тод зүүд
Тоотой насанд хүч нэмнэ
Томоогүй балчир жаахан насанд
Тодрох замыг засан байх юм
Эндээс эхэлсэн тэмдэгт түүх
Ээж мандах наран адил
Зол баяр зовлон жаргалыг
Зураг төөргөөр заяанам зэ
Бидний түүх тэртээд гэрэлтэнэ
Бичээс болгон энд залах уу
Алдхан биеээрээ авчирч хүүрнэх үү
Аав ээжээс өвлүүлсэн цулдал уу

Тангараг

Эцэг эх язгуур дээр тулан босож
Энх Мөнх Тэнгэрийнхээ зарлиган доор бөхрөн сууж
Хөрст Дэлхийнхээ тайван амгалангийн төлөө
Хүмүүн заяаныхаа өнө мөнхийн төлөө
Эр эм заяаныхаа эгшиг дууны төлөө
Энхрий балчир үрсийнхээ ирээдүй хойчийн төлөө
Долоон үеэрээ дордойхгүй гэж
Тусгаар таван тогтнолоо толгойноосоо дээд оройндоо
Тахин шүтэхээ тангараглан биелүүлж
Тусгаар тогтнол таныгаа тулах  дөрвөн мөчит хасаараа
Түшин явахаа тангараглая!

Алтай Таван Богдод очихын өмнө

Өдөр бүрийн гялбах наран
Өөлж хэлэх учиггүй төөнөвч
Өнгөт орчлонд ирэх тавиланд
Өөдөс зүрхэнд гэрэлтэх сувдан
Торойх бяцхан сүүдэрт ургасан
Торгон зүрхний голт цэцэг
Тооловч цөөдөвч хүрэх алсаас
Төрсөн нутгийн уянга эгшиг
Эргэх Дэлхий жамаараа эргэвч
Эрчлэх зангилааны утас тайлагдавч
Ээлж ирэх заяа тавиланд
Энэ биеийн эрчийг нэмнэм.
Зөөлөн үгсээр зүрхийг дэмнэвч
Зөв бурууг сэтгэлээс хайвч
Энэ биеийг хорих эрчим
Эгэлгүй зүрхийг догдлоон байх юм
Алтан наран ээдгээрээ ээнэ
Алиман саран дэмнэдгээрээ дэмнэнэ
Алд биеийн утга бүхэн
Аргагүй намайг догдлоох юм
Хайраар зүрхийг сүлэх үед
Халуун дулаан мэдрэмж буй 
Хаа ч явсан харан догдолж
Хатуу чангыг хүсэн байх юм.
Алтан Төрийн аргагүй хэлхээс
Алдар цуугийн нэрэн зураас
Аав ээжийн ашдын заяанд
Алдуурах насны утга богинохон
Өртөөлөн ирэх өрөвч сэтгэл
Өнө мөнхөд хатууг харуулна
Өөдөс үрийнхээ зүрхэн голтод
Өөр заяасан тавиланг нууна.
Ард олны заяа тавиланг
Ашдын заяагаар эргүүлэх учиг
Алдар хүндийн эгэл төрхөнд
Алдуурахааргүй зангилагдсан алтан заяа
Бидэн хоёрын богино учралд
Бодол зүрхэнд тодхон зөрөвч
Өнө мөнхөд гэрэлтэх зул мэт
Өртөөлөх амьдралд учрал нэмнэ
Эргэх жамын эрчимт хөг
Эгэлгүй тоосны хүслийг нэмнэм
ээлж ирэх заяа тавиланд
Эрдүү аядуу зүрхийг хөглөнөм
Утга уянга яруу мэт
Уужим талын салхи мэт
Урдах замын чиг мэт
Уйлан байх зүрх мэт
Бидний тавиланд хүсэл нэмнэ
Бие биенээ татах мэт
Оршихуйн заяанд итгэл нэмнэ
Олом бүсийг зангидах мэт
Ээдрээт амьралын энэ л хүсэл
Эргэх зүсрэх утгын цомог
Эл биеэ эргүүлэн өгөвч
Ээх наран мэт хойчийг дуудна
Аргагүй хийсэн үйлийн үр
Алд биеийг аван одовч
Алтан түүхээс хасан байвч
Ахин ирэх хойчийн тавилан.
Өртөөлөх түүхийн өлгийд бойжих
Өнжин дамжих өрлөг хойчид
Үүх түүхэнд үлгэр нэмэх
Үргэлжлэл юуг сануулах зүүд