ЭН цогцлоох

Өвгөдийн ертөнцөд өсөн бойжиж
Ололт олз бүхнийг тархинд хураахуй дор
КҮЭН хүслээр ур дүй урлахуй дор
МОН ОГОУУЛ  ИЭ ЭКЭ Суу Улс буйд
Ний Хэмт оршихуйг цогцлоон бүхүйд
Нэгэн амин болж ГОЛЛОХ буй за
ИЭ ЭКЭ бүрэн ялалт дор
Эгэл оршихуйд Ний цогцлоож
Төгөлдөр  оршихуйн хуулин дор
Төрийн бөхөөр тусгаар тогтносу
Амин Эхэт Хамтын хариуцлага дор
Алдаа оноог дэнслэх бүхүйд
Аюулт ГАй Гэм ЗЭМ ийг
Агшин төдийд арилгах Зүйд
Эр Ир КҮЭН ээр хамгаалж
ИЭ ЭКЭ Жай Аайий СУУ ИЭ КҮ иэр бадамлах дор
Ир Иэ ДҮй Эн цогцлоох Алтан Үнэн
 

Мэдэрнэм

Mиний нүдээр орчлонг тольдвол
Мишээх нарны амийг мэдэрнэм
Мөнхрөх оюуны сүрийг мэдэрнэ
Мэлмий тунгалаг сэтгэлийг мэдэрнэм

Миний чихээр орчлонг сонордвол
Мөнгөн саран бүүвэйлэхийг сонсоно
Мөрөн гол дуулахыг сонордоно
Мөр болгон шивнэхийг сонордоно

Миний гараар орчлонг мэдэрвэл
Хуйлран эргэх эрчимийг мэдэрнэ
Хатууг зөөллөх учгыг ухаарна
Хайраар тарих жимсийг түүнэ

Миний  хөлөөр орчлонд гишгэвэл
Зүрхэнд хайр ирэхийг мэдэрнэм
Зөнгөөр ухаан тэлэхийг мэдэрнэм
Зөөлөн дуслах совинг мэдэрнэм

Миний мэдрэмжээр хорвоог үнэртвэл
Долгилох урсах цэцэгсийг  мэдэрнэм
Догшин салхины чигийг мэдэрнэм
Доргин ирэх өөрчлөлтийг мэдэрнэм

Тэр

Цэцгийн дэлбээнд хурын ус тогтоход
Цээлэнд шумбах загас адил зүсэрнэ үү
Цэх шулуун сэтгэл зовлонд үл бөхийнө
Цээж дүүрэн амьсгалж гунигаа тэр хөөнө

Хатгалдах дайсан хажууд байгаа юмсан
Харин түүнийг үл тооно тэр
Атаат дайсны зүрхийг үхүүлж тэр
Аргамаг хүлэгийн зоог үл амраана тэр

Анд нөхдийн амьсгал нэгээр хорогдох мөчид
Аюулхай зүрхэнд нь гуниг нэгээр нэмэгдэнэ
Аав өжий ахан дүүсийнх нь
Асгарах нулимсыг харахад хэцүүг мэднэ тэр

Тэгэвч бидэнд ухрах зам үгүй
Тэрслүүт дайсанд дутаах зам үгүй
Тэнгэрийн бошиг бидэнд ирсэн хойно
Тэнхээ юугаан шавхах үлдсэн бидэнд

Хаантан танд хэзээд үнэнч билээ
Халуун цусаа хэзээд өгөх болно
Элгэн түмэн минь амгалан байвал
Энэ бие минь юуны хамаа байх билээ

Охин үрдээ

Онцгой нэгэн өдөр охин үр минь мэндлэв
Орчлонд би баяраар бялхан байсан
Оломлох ертөнцийн учигаар тэр минь
Ололт юуг мэдрүүлэн гэрэлтэв

Хайр татах өхөөрдөм түүндээ
Хамгаа зориулан өсгөв би
Хатан ухааныг өвлөх тэр минь
Хайлган сэтгэлээр ээждээ ирсэн

Өхөөрдөм бяцхан түүнийгээ харахаар
Өр зүрх минь баяраар бялхнам
Өндөр Дээдсүүдийн минь хайртай тэр минь
Өргөө гэрийн минь гэрэл гэгээ

Ээжий нь үрдээ бүхнээ зориулна
Энхрий үрсийнхээ хойчийн төлөө
Эх Дэлхийн амгалангийн төлөө
Энэ биеээ зориулах болно

Эвий минь ээжийгээ завгүй гэж
Элдвээр бүү туниарай
Үргэлжлэл болсон үрсийнхээ төлөө
Өөрийгөө ч үл бодном шүү

Хүчээн өргөмү

Алагхан Дэлхийдээ хүмүүн болж төрөөд
Аав ээжийнхээ өвөрт эрхлээд
Алтан нарнаас эрчимээ аваад
Аялгуут дуунаас хөгөө нэмээд

Хөхрөх үүлсийг тольдон хараад
Хүслээ шивнэн бодлоо илгээн
Хүрч чадах оргилдоо мацан
Хөөрхөн үрсийн эцэг эх болоод

Амьдрал гэдгийг үүгээр жишинэ үү
Авьяас билэгийг үүгээр л цэнэнэ үү
Хүслээн бас үүгээр сэтгэнэ үү
Хөрстийн амьдралыг үүгээр л өнгөөнө үү

Мэндэлсэн бол үүрэг бий
Мэдсэн бол зүтгэл бий
Мөнх Хөх Тэнгэрийн үрсэд
Мөрөөдөл биш зоригдол бий

Алтан Дэлхийд ирсэн зорилгоо
Аж жаргалаар сэтгэн бодно уу
Андгай тангарагны өмнө бөхийхөө
Анд минь чи мэднэ үү өнөө

Хатуу андгай тангарагтны үрс
Хатан зоригоор бүхнийг дийлнэ
Халшралгүй зүтгэл тэдэнд бий
Харин та тэдний нэг

Эх Дэлхийд ирсэн учиг
Эргэх жамыг тайлах учиг
Эв эеийг сахих учиг
Энэ биеээр чинь сүлэн байна

Өндөр Дээдсийн үргэлжлэл болж
Өлгий юугаан хамгаалан тэмцэж
Өргөн олны хүсэл сэтгэлийг
Өнө мөнхөд дэмнэн байхуйд

Эрэлхэг зоригт Дээдсүүдийн үрс
Энэ биеээрээ үлгэр болж
Эхлэл болон Орчлонг сэрээх
Эв нэгдэлд Хүчээн өргөмү

Сар эгчдээ

Эгэлхэн сайхан эгч минь
Энэлэн хайлан байна уу даа
Элэг зүрхээ дэвтээн
Эрхэмлэн санан сууна уу даа
Таньдаа би шүлгээн тэрлэе
Тал дүүрэн жаргалыг хүсье
Аавд тань цацалаа өргөе
Алаг Дэлхийгээс хайрыг илгээе
Адилхан бидний аавууд дээрээс хараад
Алаг үрсээрээ бахархан байгаа
Алд биеээ зориулан байгаа
Агуу үйлийг минь дэмнэн байгаа
Хатан ухаант эгч минь та
Хатуу бүхнийг даван байвч
Золбоо бүхнээр далавчаа дэвэх
Зоригт шонхор мэт дүүлэн ниснээ

Хөх сэрхийн нуруу

Хөх сэрхийн нуруу минь 
Хөшилдөөд харагдах нь сүртэй 
Хөндлөн өсөж төрсөн ч 
Хүрэн зүрхнээс уяатай
Баатрын ёсоор би 
Ясаа тавьсан юмсан. 
Байгаа чигээрээ байвал
Сэтгэл минь амгалан 
Алтайн сүрлэг уулсаараа
Дүүлэн давхиж байсансан
Аргамаг хүлгийн зоонд
Амрах завгүй мордсонсон
Хаант төрийн төлөө
Бүхнээ би зориулнам
Хатан сайхан өжийдээ
Зорьж очоогүй удсансан
Андын сэтгэлээр түшсэн
Баатар жинжидын сүрээр
Атаат дайснаа дарж
Хүчээ өргөнөм би
Алдрай балчир үрсээ 
Халуун хайраар дутаавч
Аавын нэрийг залгамжлуулсан
Ханьдаа би оршном
                                          

Ханьдаа

Гуниг баярын алинд ч зүрхээ би мэдэрнэм
Гуниггүй явсан залуу нас минь надаас холдлоо ч харамсахгүй
Гэрэлтэх түүхийн эхлэл болон бичигдсэн ч
Гэгээ болон зүрхнээс наран мэт тодорно

Хатан зүрхэндээ чамтайгаа учирсан болохоор
Хаа хүрсэн ч дэргэд минь Та байгаа болохоор
Хаана ч хэзээ ч сэтгэл минь хайраар дүүрэн болохоор
Хацар минь хэзээд эрчим юугаар гэрэлтэх болохоор

Өнгөт орчлонд өөр хэнээр ч би солихгүй
Өөр хэн ч биш Та минь дэргэд болохоор
Өөжий аав болж өчнөөн жил ханилсан ч
Өр зүрхний минь хайр хэзээ ч бөхөхгүй болохоор

Өвлүүлэх ухааныг өөрсдөө л бид олох боловч
Өнгөрсөн түүхээ эргээд бид бичих болохоор
Өөдөсхөн үрсдээ өв юугаан өвлүүлэх болохоор
Өнө мөнхөд бидний амьдрал үргэлжлэх болохоор

Өрлөг түүхэнд үнэн гэдгээр мөрлөх болохоор
Өрсөн урсах жам ёсыг дагах болохоор
Өөдөө бүхнийг дэмнэн байх сэтгэл болохоор
Өнө ирээдүйд цагаан мөрөөр замнажээ бид

Амин

Өвгөдийн ухааныг өвлөн авч

Өлчир зүрхэндээ орчлонг багтааж

Тулах таван хаалгыг татан

Түших олон ардаа энэрч

Эх Дэлхийнхээ амгаланг хамгаалж

Эрдэм оюун бүхнээ зориулж

Алд биеийн алжаалыг үл тоон

Алтан төрийн төлөө зүтгэж

Долоон үеээрээ Тэнгэртээ мэндэлж

Зарлиг юугий нь өвлүүлэн үлдээж

Үрс балчираа сурган хүмүүжүүлж
Үлгэр домгийн үргэлжлэл болж

Аав Ээжийн ясан цусанд

Амин нэмж хүчин болмуй

Ээждээ

Ээж минь наддаа эрдэнэ билээ

Эргэх жамын тайлал билээ

Эрчилсэн утасны гогцоо билээ

Эвлэхүйн ухааныг нээгч билээ

Торгон зүрхний бурам билээ

Тоост хорвоогийн ачтан билээ

Намайг төрүүлсэн энгэр билээ

Нарт хорвоогийн гэрэл билээ

Хэнээс ч илүү хайрлах билээ

Хажууд минь намайг дэмнэх билээ

Хатууг  давахад түшиг билээ

Хэлсэн бүхэн нь эрдэнэ билээ

Элбэрэл хайрыг удамшуулагч билээ

Эх Дэлхийнхээ үр нь билээ

Энэхэн биеэрээ эрчим түгээж

Эргэхүйн жамыг ухааруулсан билээ

Зөөлнөөр эвлэсэн бүүвэй билээ

Зүүд нойрыг минь манагч билээ

Зөөлөн үгсээр эрчим нэмэн

Зүйрлэшгүй хайраар ундрагч билээ

Аадрыг аргадах үүл билээ

Алтан нарны илч билээ

Авьяас билэг ундарга бүрээр

Аргагүй намайг төөнөгч билээ

Аавдаа

Аав минь та миний шүтээн

Амин зүрхний гол билээ

Урсах нулимсаар орчлонг гийгүүлсэн

Уудам талын мод билээ

Аав минь та миний шүтээн

Алтан нарыг холбогч билээ

Аялгуу дууг  дамнуулагч билээ

Аврах учигны эхлэл билээ

Тоост хорвоог  тэнцүүлэгч билээ

Төгөлдөр ухааны сүв билээ

Төөрөг юугаараа намайгаа илгээсэн

Түмэн бодисын нууц билээ

Аав минь та миний шүтээн

Аргадах дууны минь цуурай билээ

Амьдралын учгыг үрсдээ өвлүүлсэн

Алд биений эхлэл билээ

Эргэх Дэлхийд үйлээ бүтээсэн

Эгэлгүй нэгэн авьяастан билээ

Энх тунхыг үрсдээ хайрласан

Эрчит нэгэн жигүүр билээ

Аав минь та бидний шүтээн

Алтан дэлхийдээ заяасан одон

Агуулах зүрхний тод гэрэл

Анивчих тусам нэмэгдэх гэгээ

Хатууг  таниулсан эрдэм билээ

Хайр нь дотроо гал билээ

Учиг бүхнийг бидэндээ дэлгэсэн

Урсгал дөлгөөн мөрөн билээ

Аав минь та дотнохон үнэр

Агь ганганы бүлээн салхи

Уудам хорвоод заяасан тавилан

Ухаан юугаараа хөглөсөн эрчим

Аав минь та миний шүтээн

Аргадан уйлах голын чимээ

Төрсөн нутагтаа тэмүүлсэн хүлэг

Тэнхээ юугаа зориулсан давалгаа

Аав минь та миний нулимс

Арчих тусам урсах ундарга

Алаг Дэлхийд ирсэн түүх

Ардаа бүхнийг багтаасан Ертөнц