Аврал

Хөх Тэнгэрээс заяах
Эрчим бүрийн зам
Хүрэх газраа хүрээд 
Эргээд буцах үед
Энэрэхүйн долгион эргэлдэж
Ивээхүйн учигт зангилаа
Хором хормоор холдож
Хүсэл юуг чангаана. 
Алдхан биений хайраар 
Агуулах эрчимтэй холбогдож
Аргадах сүүлчийн учиг
Алхам алхамаар дэлгэрэв үү
Ухаант үрсийн түлхүүрээр
Учиг зангилаа тайлагдана
Уучлалт эсвэл устгалын
Урдах сонголт тодорно
Хүрэх зам хол ч
Ивээх зам богино
Хүрээгээ нэгэнт тэлсэнээс
Тодрох түүх давтагдана