Тунхаг

Хараацай шувуугаар дагуулан
Харцага шонхороор залуулан
Хөх Тэнгэрээр дүүлэнхэн
Хөвчин Ханхайг тууланхан

Алаг дэлхийг тойронхон
Алтайн уулсыг даванхан
Алтан Нараар дэмнүүлэн
Алиман Сараар дамнуулан

Үүх түүхээ хуучланхан
Үлгэр домгоо яринхан
Үрс балчираа эргэнхэн
Үүрэх жамыг даганхан

Хан Тэнгэрийн босоо зарлага
Хатууг дэмнэх өндөр өвөг
Элгэн түмний энхийг үүрч
Эв нэгдлийг тунхаглах буй за