Амин

Өвгөдийн ухааныг өвлөн авч

Өлчир зүрхэндээ орчлонг багтааж

Тулах таван хаалгыг татан

Түших олон ардаа энэрч

Эх Дэлхийнхээ амгаланг хамгаалж

Эрдэм оюун бүхнээ зориулж

Алд биеийн алжаалыг үл тоон

Алтан төрийн төлөө зүтгэж

Долоон үеээрээ Тэнгэртээ мэндэлж

Зарлиг юугий нь өвлүүлэн үлдээж

Үрс балчираа сурган хүмүүжүүлж
Үлгэр домгийн үргэлжлэл болж

Аав Ээжийн ясан цусанд

Амин нэмж хүчин болмуй

Ээждээ

Ээж минь наддаа эрдэнэ билээ

Эргэх жамын тайлал билээ

Эрчилсэн утасны гогцоо билээ

Эвлэхүйн ухааныг нээгч билээ

Торгон зүрхний бурам билээ

Тоост хорвоогийн ачтан билээ

Намайг төрүүлсэн энгэр билээ

Нарт хорвоогийн гэрэл билээ

Хэнээс ч илүү хайрлах билээ

Хажууд минь намайг дэмнэх билээ

Хатууг  давахад түшиг билээ

Хэлсэн бүхэн нь эрдэнэ билээ

Элбэрэл хайрыг удамшуулагч билээ

Эх Дэлхийнхээ үр нь билээ

Энэхэн биеэрээ эрчим түгээж

Эргэхүйн жамыг ухааруулсан билээ

Зөөлнөөр эвлэсэн бүүвэй билээ

Зүүд нойрыг минь манагч билээ

Зөөлөн үгсээр эрчим нэмэн

Зүйрлэшгүй хайраар ундрагч билээ

Аадрыг аргадах үүл билээ

Алтан нарны илч билээ

Авьяас билэг ундарга бүрээр

Аргагүй намайг төөнөгч билээ

Аавдаа

Аав минь та миний шүтээн

Амин зүрхний гол билээ

Урсах нулимсаар орчлонг гийгүүлсэн

Уудам талын мод билээ

Аав минь та миний шүтээн

Алтан нарыг холбогч билээ

Аялгуу дууг  дамнуулагч билээ

Аврах учигны эхлэл билээ

Тоост хорвоог  тэнцүүлэгч билээ

Төгөлдөр ухааны сүв билээ

Төөрөг юугаараа намайгаа илгээсэн

Түмэн бодисын нууц билээ

Аав минь та миний шүтээн

Аргадах дууны минь цуурай билээ

Амьдралын учгыг үрсдээ өвлүүлсэн

Алд биений эхлэл билээ

Эргэх Дэлхийд үйлээ бүтээсэн

Эгэлгүй нэгэн авьяастан билээ

Энх тунхыг үрсдээ хайрласан

Эрчит нэгэн жигүүр билээ

Аав минь та бидний шүтээн

Алтан дэлхийдээ заяасан одон

Агуулах зүрхний тод гэрэл

Анивчих тусам нэмэгдэх гэгээ

Хатууг  таниулсан эрдэм билээ

Хайр нь дотроо гал билээ

Учиг бүхнийг бидэндээ дэлгэсэн

Урсгал дөлгөөн мөрөн билээ

Аав минь та дотнохон үнэр

Агь ганганы бүлээн салхи

Уудам хорвоод заяасан тавилан

Ухаан юугаараа хөглөсөн эрчим

Аав минь та миний шүтээн

Аргадан уйлах голын чимээ

Төрсөн нутагтаа тэмүүлсэн хүлэг

Тэнхээ юугаа зориулсан давалгаа

Аав минь та миний нулимс

Арчих тусам урсах ундарга

Алаг Дэлхийд ирсэн түүх

Ардаа бүхнийг багтаасан Ертөнц

Үрс минь

Үрс минь наддаа үнэт Эрдэнэ
Өвлүүлэх Тангарагны сүв нь билээ
Өр зүрхний минь уяа билээ
Өөрөөсөө ч илүү хайрлах билээ
Аавын ясыг өвлөсөн билээ 
Агтанд мордох золбоотон билээ
Алсад гарах эрэлчин билээ
Айсуй Түүхийг бичилцэх билээ
Ишнээс Дэлбээлсэн цэцэг билээ
Эгэлгүй нандин Оюунтан билээ
Энэ биеээрээ эвлэхүйг цогцлоох
Эрхэмсэг оршихуйн түрлэг билээ
Үндэснээс ургах жимс билээ
Үргэлжлэл хойчийн баталгаа билээ
Үлдээх Мөрийн минь нотолгоо билээ
Үлгэр туулийн үргэлжлэл билээ
ХААНт Төрийн Түшиг билээ
ХАТАН ухаанаар Тулах билээ
Хатан зоригтны үрс билээ
Хатууг давах Зоригтнууд билээ
Алтан Дээдийг өвлөх билээ
Алсдаа бусдад түгээх билээ
Айлыг цогцлоож Ахуйг бүтээх
Аргамж ухааны үргэлжлэлүүд билээ
Надаас тасарсан цус билээ
Нарнаас ургасан үр билээ
Сарнаас тосох билэг билээ
Саруул Орчлонгийн түүх билээ
Өвгөдийн ухааныг өвлөсөн билээ
Өнийг ирээдүйг цогцлоох билээ
Өндөр ТЭНГЭРийн бошгийг түгээн
Өвлүүлэх Аялгууг хөглөх билээ

Сэтгэлийн хөг

Өдрөөс өдөрт Нарнаас наранд
Өсөн буй зүрх сэтгэл
Өвлөж авсан хүсэл тэмүүлэл
Өнө мөнхийн мөрөөдөл билээ
Хайр энэрэл халуун сэтгэл
Ханьсах жамын ханийг сонгоход
Эргэлдэн хуйлрах эрчим бүхэнд
Энэ бие зохицолыг олно
Гэвч түүнд саад бас байх
Гэгээлэг бүхэнд сорилт бас байх
Ахас Ихэсийн ариун Гэр Иэ нд
Алсын зам мөр болмуй
Хөврөх сэтгэлээ түр барин
Хүчит давалгааг эвлэх ухаан
Энэ биенд шингэх эсэх
Ээдрээ болон намайг чангаана
Алдсан итгэл алсад л байна
Аажуу ч гэсэн хүлээх сэтгэл
Андгай тангарагийг бөхлөх хүсэл
Аажим аажмаар намайг түрнэ
Эргэх жамыг би сөрсөнгүй
Энэрэхүйн хайраар би дутаасангүй
Энэхэн ухаанаа эвлүүлэх нь дутав уу
Эвлэхүйн сүлжээг би дутаав уу
Алин болохыг тунгаах л юм
Андуу зүдүүг үл хүснэм
Эвлэх ухаанаа сүлэн сууна би
Эргэн тулвал яахаа бодном
Хайр гэдэг агуу билээ
Хань гэдэг мөнхийн билээ
Энэ орчлонгийн эргэх жамаар
Эргээд л учрах хос заяа
Төгс бүтээсэн өвгөдийн ухаан
Төгөлдөр оюунт өвгөдийн үрс
Эрхэм бүхнээ үрдээ заяасан
Эгэлгүй даруу миний шүтээд
Алагхан зүрхэнд минь багтах тэд минь
Аав минь өөж нар минь билээ тэд
Бидний сэтгэл нэг билээ
Билэг оюун нь Суу билээ
Хан Тэнгэрийн түшиг минь билээ
Хатууг давахад тулах  билээ тэд
Амьдрал намайг сорином буюу
Аль болгоныг үзүүлнэм буюу
Тэнхээ юугий минь сорином буюу
Тэгш явахыг минь харнам буюу
Давааны цаана даваа буюу
Давах ёстой удам буюу
Дэлхийн төлөө төрсөн буюу
Тэнхээ бүхнээ зориулах буюу
Энх тунхыг хүсэх буюу
ЭрДэм бүхнээ зориулах буюу
Арга билэг авьяас ухаан
Аль бүхнээ баринам буюу
Алдхан биений бүхий л учигаар
Андгай Тангараа бөхлөх буюу

Өвлөхүйн цэвэр

Тэнгэрийн бошигт зохицон байж
Тэсэж магад гарах Арга ухаан Зөн билэг
Мэлмийд харагдан Мэдрэмжийг цогцлоон
Оршихуйд түгэн Тархинд цуглан
Тайлал болон Эр Дэмийг Хур болгон
Эвлэхүйг зангилаа болгон
Эвийг СУУ болгон
Тогтоосон үйлээ Тов болгон
Торгон Мэдрэмжийг Эв болгон
Үндэснээс хөөн, Үрээ тарьж
Өвлүүлэн үлдээж, Өргөнөөр сүлжиж
Ид шидээр нь Арга билэгээр нь
Хаан Ухаанаар нь Хатан Оюунаар нь
Өнгөрсөнөөс одоо Ирээдүйд цогцлоох
Өвлөхүйн Ерэн цэвэр буюу

Бошиг

Мөнх Хөх Тэнгэрийн
Мөрлөх хүчит Эр Чим
Миний алагхан Дэлхийд
Хууль болон буухуйд
Амьтай биетэй болгоныг
Алагчлалгүй үзэх Наран Ээж
Амар түвшин сайхныг
Амлалт болгон илгээхүйд
Хөх толбот Төө тэн нар
Хөглөх утгыг танин тайлж
Оршихуйн жамд зохицон байж
Оломлох юуг бүтээн байж
Олон үрсээ бэлдэн байж
Ололт юуг цогцлоон байж
Бидний бадрал ирэх буюу
Билэг ухаан түгэх буюу
БӨӨ гэгээн бүхүй дор
Бултаар таарах учигт зангилаа
Эргэх Дэлхий энэ л хэвээрээ
Ээлжлэх улирал нь нэг л янзаараа
Тогтохуйн сүлжээ нь нэг л жамаар
Тоолол болон түгэн байхуйд
Алтан сүлжээг эрчимнэн байх
Айл бүлээ залан байх
Түвшин Төрийг төгс бүтээх
Түмэн олон минь амгалан байг ээ

Бөө гэгээн тархитан

Ил далд бүхнийг эвцэлдүүлэн Бадраагч
Ирээдүй өнгөрсөн одоог эвлүүлэн Бүтээгч
Ирт Сурлагаар  ЭН Боловсрогч
Ижил Андууддаа Итгэл Даагч
Туулах замын тов Тодорхой
Түших андууд нь эв Илхэн
Төрт ёсны тулах Түшиг
Түмэн олныг төвшитгөн Засагч
Оршихуйн Үнэнд бүрэн Таарагч
Оул бие нь эрчимийг Ологч
Бодол санаа нь Орчлонг Багтаагч
Болох болохгүйг адилхан Хайрлагч
Өгөө авааг өвлөн Тэнцүүлэгч
Өр зүрх нь галаар Бадамлагч
Өвгөдийн ухааныг өвлөн Залгамжлагч
Үлгэр туулинд мөнхрөх Гавьяатан
Эргэх жамыг угтан Тосогч
Ээж аавын ачийг Хариулагч
Эв санаа нэгдлийн хүчээр
Эхэлж буй цагийг Тунхаглагч
Хүсэл зорилгоор нягтран Нийлэгч
Хүүний аийийд Хэмийг Тогтоогч
Хүй Дэлхийн элбэрэлт Үр
Хөх ертөнцийн авран Хамгаалагч

Хэрхэн

Би хаанаас эхэлж
Би хаана хүрэх вэ
Билэг оюун хаана эхтэй
Бодол санаа юунд вэ
Эхлэл хаанаас түгэж
Төгсгөл хаа хүрэх вэ
Зөв бурууг хэрхэн ялгаж
Зүүд сэрүүнээ хэрхэн таних вэ
Оршихуйн жамыг яаж ухах вэ
Ойлгох ухаан хэрхэн түгэх вэ 
Эв нэгдэлийг юу гэж бодно
Энэрэл хайр хаанаас түгнэ вэ
Буурал хорвоог хэрхэн таних вэ
Бусдын дэмийг хэрхэн тогтоох вэ
Андын журмыг хэрхэн олох вэ
Айдасаас салахаа хэрхэн ухах вэ
Айл болж хэрхэн зүтгэх вэ
Алтан төрийг хэрхэн тогтоох вэ
Наран мэт  хэрхэн ээх вэ
Аадар мэт хэрхэн мохоох вэ
Мөс чанарыг хэрхэн олох вэ
Мөрөөдөл биш гэдгийг хэрхэн итгүүлэх вэ

Ундарга

Бидэнд юу дутагдаад байна вэ
Билэг оюун төгөлдөр бүтээгдсэн бус уу
Алдхан биеийг амар байлган
Авах гээхийн утгыг ч танилгүй
Хүсэл зоригоо таньж дийлэлгүй
Холын зорилгоо ухаж чадамгүй
Хөөрхий бидний ухаан гээч
Хөвөн явах үүлс мэтээ.
Хаа хүрэхээ ч мэдэхгүй байна уу
Хатууг жаргалд бодоод байна уу
Энх тунх оршихуйн жамыг
Элэг зүрхэндээ мэдэрмээр байна уу
Өтүгэ үеийн өвгөдүүд минь
Өөдөс үрсийн Ухаан юуг
Өнө мөнхийн Үргэлжлэл юуг
Өвлүүлэн өгөх Эр ДЭМ юуг
Танин мэдэхүйн Ололт юуг
Таавар болсон Учиг юуг
Ололт бүрийн Нууц юуг
Оройлон манлайлах Хүсэл юуг
Эвлэхүйн хүрдэнд шившин байж
Энх тунх бэлэглэв дээ
Хаанаас олохоо үрсүүд мэдэх үү
Халширч суулгүй Хайгаад үз
Алдхан биенээсээ Ухаад үз
Авах Оюуны түүчээг нээ
Хайвал Хажууд чинь байна
Эрвэл Дэргэд чинь байна
Энд тэндээс эвлүүлэн
Эх Үндэсээ бүтэн болго
Үндэстэй байж Ургах бус уу
Үртэй байж Үргэлжлэх бус уу
Оролдоод үз Сэтгээд үз
Уудлаад үз Ухаад үз
Хаа хүрэхээ мэдээд
Халшралгүй бүгдийг Тунгаахтун
Энэ бол эхлэл мэт
Эгэлгүй түүхийн үргэлжлэл мэт
Хайр энэрэл бодол хүсэл
Хамтдаа байгааг Мэдрэх болно
Өвгөдийн шид үүнээс Эхтэйг
Үл мартаж Үлгэрийг түгээ

Ээхүй

Бодлын хүчээр бултаараа дэмнэвэл
Буурал Дэлхийд эрчимээ түгээх
Балчир үрсийн Гэгээн сэтгэлд
Бидний зүтгэл хүч болмуй.
Хайр энэрэл харанхуйг гийгүүлж
Хатан Ухаан Суу заль дор
Харвах мууг эргүүлэн цайруулж
Халдах дайсны хүчийг сөрнө
Эв нэгдэл Эрхэм Анд
Энэ бүхний гогцоо болно
Эвлэхүйн билэгээр нэгийг цогцлоож
Эрчимнэх урсгал галаар наадмуй
Тэнгэрт мэндлэх арга ухаан
Тэнхээ тамирт хүчин болж
Хүршгүй мэт санагдах тэртээд
Хормын төдийд аялах мэтээ
Тансаг аялгуу талаар түгж
Таатай үнэрийн мэдрэмж сэргэхүйд
Ээх Нарны эрчим бүр
Энэ биеээр шурган байхуй
Хөвсөлзөх үүлсийн чөлөө бүрээр
Хөөрөн баясах дүр тодорч
Цоморлигт дэлбээлсэн утга бүхэн
Тоолол болж хүрдээр эргэмүй   
  

Бүүвэй

Эвлэг зөөлөн үр минь бүүвэй
Энх тунхыг бэлгэдэн бүүвэй
Өөжий аавын үргэлжлэл болж
Өргөн Дэлхийн заяа болж
Түмэн бээрийн цаанаас ирж
Төгөлдөр ухаанаа эндээ гаргаж
Торгон мэдрэмж тооцоо бүрээр
Тух юугаан олон мэндэлж
Хэрхэн хийх үйлээ тунгаах
Хэлэлцэх олон Андаа дагуулан
Эргэх хорвоогийн хуулийг тулан
Энх тунх мэндлэв дээ
Эрчлэн сүлжигдсэн бүхнээ
Энэ биендээ илгээн байж
Эв болон энхийг тунхаглан
Элдэв бүхний гогцоо болон
Эгэлхэн биеэрээ тайлал болон
Үүц задалж үүд нээх
Үнэн гэдгээр тулан цахлах
Өөдсийн чинээ үр бүүвэй
Өрлөг өжийн үргэлжлэл бүүвэй